幸運之旅--東京

我哋住"品川高輪太子酒店",打點好一齊都已經好晏,只有到新宿行吓百貨公司,歌舞技町,仲有一個屬於我哋必到嘅景點,就係食松屋牛肉飯; 抵食又好味; 真係估佢唔到,品川JR站附近,竟然有車仔麵喎,生意仲要勁好,我哋要等咗一陣先有位,味道同新宿食到嘅比較濃同咸,一邊食麵,一邊不斷有JR經過,真係風味十足!

第二朝食過早餐後,就向吉祥寺進發,途中發生咗一個小插曲,JR總武線,有啲班次只到中野,我哋咁啱坐到依班車,見到全車人落晒車,覺得唔對路,原來天書上面都有寫,只好落車等下一班車! 到吉祥寺後,第一站當然係天書同網友極力推介嘅牛肉餅,用松板牛做成,即叫即炸,有人為咗食佢,要排隊一小時,但我等五個人之後就到,心諗,邊有咁誇張呀? 揸住個戰利品諗住店前留影時,嚇然發現,多人等到見唔到隊尾,原來要排一個鐘並非誇張; 又到下一站入間outlet,苦戰咗大約3小時,又未肚餓,於是就去咗東京鐵塔欣賞一吓東京夜景! 浪漫過後,個肚開始打鼓,就去咗銀座一個好有特色,好地道嘅地方醫肚;位於JR有樂町鐵道橋下嘅平民居酒屋, Manpuku食堂; 一個名牌臨立嘅地方,仍保留住一啲舊式食肆,感覺有啲似廟街,枱係用載汽水膠箱同木板搭建而成,坐o係街邊食串燒,飲啤酒,周圍全都是日本人,感覺真係好正.

第三日一早起身,去咗築地食壽司做早餐;然後就出發到淺草,我哋仲求到大吉籤添,願望成真,一定返嚟還神! 然後到上野買手信,再戰池袋,仲去咗燒肉店食咗一餐好豐富嘅晚餐添!

嚟到最後一日,到附近涉谷走走,哎~唔知係咪猿人又有限量版,攪到啲人又排長龍!行完涉谷,返到品川攞行李,走前我哋仲買咗大福餅,同車站飯盒上車食.四日過得真係好快,